داهاتووی ڕەحیم ستێرلینگی ئەستێرەی ئینگلیزی لە یانەی مانچستەر سیتی مسۆگەر نییە و بەڕێوەبەرانی ڕیاڵ مەدرید بیر لە گواستنەوەی دەکەنەوە.
بەپێی زانیارییەکانی ماڵپەڕی “دەیلی ستار”، ئیدارەی ڕیاڵ مەدرید جارێکی دیکە گرنگییان بە ڕەحیم ستێرلینگی ئەستێرەی یانەی مانچستەر سیتی داوە و بە نیازن لە گواستنەوەکانی 2022 بۆندی پێشکەشبکەن.
ڕەش ئەسمەرەکە لە هاوینی 2015 لە یانەی لیڤەرپوڵەوە پەیوەندی بە مانچستەر سیتیەوە کردووە، نوێترین بۆندی تاوەکو هاوینی 2023 لەگەڵ یانە شینە ئاسمانیەکە واژووکردووە، بەڵام ئۆفەری نوێکردنەوەی پێشکەشنەکراوە.
دەیلی ستار نوسیویەتی، لە ڕووی وەرزشییەوە پێپ گواردیۆلا گرنگی بە یاریزانانی وەک فیڵ فۆدین و ڕیاز مەحریز داوە، کە لە داهاتوودا دەتوانن جێگەی هێرشبەرە ئینگلیزییەکە بگرنەوە.
ستێرلینگ بە درێسی یانەی مانچستەر سیتیەوە 285 یاری ئەنجامداوە و 113 گۆڵی تۆمارکردووە و 86 گۆڵی ڕەخساندووە.
