بەهۆی دروستبوونی شەڕ گەنجێك لە ڕانیە برینداربوو، پۆلیسی ڕاپەڕین دەڵێت، برینەكەی سەختە و تۆمەتبار ڕوداوەكەش دەستگیركراوە.
بەڕێوبەرایەتی پۆلیسی ڕاپەڕین ئەمڕۆ یەكشەممە 18ی نیسان ڕایگەیاند. شەوی رابردوو لە رانیە لە ئەنجامی دەمەقاڵێ شەڕەچەقۆ لە نێوان دوو كەس رویدا. دوای گەیشتنی هێزەكانی پۆلیس دەرکەوت كەسێك بەناوی (پ.ع.ع.) ڕەگەزی نێر لەدایكبووی ساڵی 2000 و پیشەی كاسپ برینداربووە.
دەشڵێت، دوای کۆنتڕۆڵکردنی شەڕەکە، بریندارەكە گەیەندرایە نەخۆشخانەی گشتیی رانیە کە لەئێستادا باری تەندروستی ناجێگیرە و لەژێر چاودێری چڕی پزیشكدایە.
پۆلیسی ڕاپەڕین ڕونیشیكردەوە، کەسەکەی دیكە بەناوی (س.خ.ٲ.) رەگەزی نێر لەدایكبووی ساڵی 2001 و پیشە كاسپ دەستگیرکرا.
پەڕاوی لێکۆڵینەوە بۆ ئەو روداوە كراوەتەوە و دادوەر بڕیاریدا بە راگرتنی تۆمەتبار بەپێی ماددەی 413 لە یاسای سزادانی عێراقی و لێكۆڵینەوە لە روداوەكە بەرداوەمە.
