ژمارەیەک چالاکوان لە سلێمانی رایانگەیاند، “گرێبەستەکەی وەزارەتی تەندروستی نایاساییە و لەگەڵ کۆمپانیایەکی وەهمیدا ئەنجامیداوە”.
ژمارەیەک چالاکوانی مەدەنی لە کۆنفرانسێکی رۆژنامەوانیدا رایانگەیاند، “گرێبەستەکەی وەزارەتی تەندروستی نایاساییە، لە رۆژگارێکدا کە بارودۆخی خراپی ئابوری تەنگی بە هاوڵاتییانی هەرێم هەڵچنیوە و بە سێ مانگ جارێک مووچەیەک دابەشناکرێت، ئەو وەزارەتە لەژێر ناوی چاکسازیدا گرێبەستێکی 10 ساڵەی لەگەڵ کۆمپانیایەکی وەهمی واژۆدەکات و چاڵێکی دیکە بۆ جەستەمان هەڵدەکەنێت”.
باسیان لەوەشکرد، ئەرکی سەرشانی دەسەڵاتە بیمەی تەندروستی بۆ هاوڵاتییان دابینبکات نەک بازرگانییان پێوەبکات، ئەگەر ئەو رەوشە درێژە بکێشێت پەنا بۆ ئاستی نێوەدەوڵەتی دەبەین”.
