توێژینەوەیەک کە لەلایەن زانایانی ئوسترالیاوە ئەنجامدراوە ئاشکرایکردووە کە خۆراک کاریگەرییەکی بەرچاوی لەسەر تەندروستیی جومگەکانی لەش هەیە.
زاناکان، خۆراکی دەوڵەمەند بە کاربۆهیدرات و چەورییە تێرەکانیان خستە بەردەم مشکی تاقیگەیی بۆ ماوەی 16 هەفتە، بۆیان دەرکەوت دوای خواردنی ئەو خۆراکانە مشکەکان کێشە لە جومگەکانیاندا دروستبوو گۆڕانکاری لە ئێسک و جومگەکانی ئەژنۆیاندا روویدا”.
زۆرێک لە پسپۆڕانی تەندروستی ئاماژە بەوە دەکەن کە “کوالێتیی خۆراک رۆڵێکی سەرەکی دەگێڕێت لە کاریگەریی لەسەر جەستە و تەندروستیی جومگەکان بە گشتی، پزیشکانیش پێشنیاری خواردنی ئەو خۆراکانە دەکەن کە دەوڵەمەندن بە دژە ئۆکسێنەر و پرۆتین و ڤیتامین دی و ئۆمیگا 3 بۆ پاراستنی تەندروستیی جومگەکان، وەک ماسی، زەیتی زەیتون، قەڕنابیت، زەردەچەوە و هەندێک جۆری سەوزە”.
