مەسرور بارزانی: داوای قەرەبووكردنەوەی كەسوكاری قوربانییانی ئەنفالكراوان لە عێراق دەكەین

مەسرور بارزانی، سەرۆكی حكومەتی هەرێمی كوردستان

سەرۆكی حكومەتی هەرێمی كوردستان لە 33یەمین ساڵیادی ئەنفالدا ڕایگەیاندووە، “حكومەتی ھەرێم داوای قەرەبووی مادی و مەعنەوی بۆ كەسوكاری قوربانییان و خەڵكی زیانمەندی ئەو شاڵاوە دڕندانەیە لە حكومەتی فیدراڵی عێراق دەکات”.

لە پەیامێكدا كە بە بۆنەی ساڵیادی ئەنفالەوە بڵاویكردووەتەوە، مەسرور بارزانی، سەرۆكی حكومەتی هەرێمی كوردستان ڕایگەیاندووە، “ئەمڕۆ 33 ساڵ بەسەر شاڵاوەکانی ئەنفال تێدەپەڕێت، کە ڕژێمی لەناوچووی بەعس، بە ئامانجی جینۆسایدكردنی گەلی كوردستان، بە هەشت قۆناغ، هەزاران هاونیشتمانیی بێتاوانی بێسەروشوێن و زیندەبەچاڵ کرد، هەزاران گوند و شارەدێ و هەزاران مزگەوت و قوتابخانە و دەیان كڵێسای کوردستانی خاپووركرد، ڕەز و باخ و كێڵگەی جووتیارانی سووتاند و كانیاوەكانی تەقاندەوە و بنەماکانی ژیانی لە ناوبرد”.

مەسرور بارزانی ئەوەشی خستوەتەڕوو، “حكومەتی هەرێمی كوردستان، داوای قەرەبووی مادی و مەعنەوی بۆ كەسوكاری قوربانییان و خەڵكی زیانمەندی ئەو شاڵاوە دڕندانەیە لە حكومەتی فیدراڵی عێراق دەکات، هاوکات کار دەکات بۆ ئەوەی خزمەتێکی زیاتری کەسوکاری ئەنفالکراوان بکات و ژیانێکی شکۆمەندانەیان بۆ فەراهەم بکات” .

سەرۆكی حكومەتی هەرێم ئەوەشی ڕایگەیاندووە، “هیوادارم ئەم یادە، بكەینە هاندەری پتەوكردنی یەكڕیزی نیشتمانیی و قووڵكردنەوەی گیانی تەبایی و برایەتی و پێكەوەژیانی ئاشتییانە لەنێوان هەموو گەلانی ناوچەكە”.

بابەتی پێشتر

ئەمڕۆ 33 ساڵ بەسەر "شاڵاوی ئەنفال"دا تێپەڕ دەبێت

بابەتی دواتر

بافڵ تاڵەبانی: بە ڕێزەوە لە گلەیی و ناڕەزایەتییەكانی كەسوكاری سەربەرزی ئەنفال دەڕوانین

بابەتی پەیوەندیدار
زیاتر ببینە

هەولێر.. كچێك لەلایەن براكەیەوە كوژرا

پۆلیسی هه‌ولێر ڕایگه‌یاند، ئەمڕۆ ‌له‌گه‌ڕه‌كی كوردستان، كچێك له‌لایه‌ن براكه‌یه‌وه كوژرا. له ‌ڕاگه‌یه‌ندراوێكدا، بەڕێوەبەرایەتیی پۆلیسی پارێزگای هه‌ولێر بڵاویكرده‌وه‌، “دوای…
Total
4
Share