بەڕێوەبەری سەنتەری فریاكەوتنی خێرای سلێمانی رایدەگەیەنێت، بەهۆی خواردنی خراپبووەوە 30 خوێندكار ژەهراوی بوون و لە ئێستادا لە نەخۆشخانەی دوكانن.
سامان نادر بەڕێوەبەری سەنتەری فریاكەوتنی خێرای سلێمانی لە لێدوانێكدا بە تۆڕی میدیایی ئێستای راگەیاند، 30 خوێندكاری یەكێك لە پەیمانگەكان لە شاری سلێمانی بە مەبەستی گەشت و سەیران چوونەتە سەیرانگای دوكان و بەهۆی خواردنی خراپبووەوە ژەهراوی بوون و تەندروستییان تێكچووە و رەوانەی نەخۆشخانە كراون.
راشیگەیاند، لە ئێستادا ئەو خوێندكارانە دەهێندرێنەوە بۆ سلێمانی و تەندروستی بەشێكیان ناجێگیرە.
