شانەی ڕاگەیاندنی ئەمنیی عێراق ئاشكرایكردووە، لە ئۆپراسیۆنێكی سەربازیدا لە چەند ناوچەیەكی زنجیرە چیاكانی حەمرین ژمارەیەك “تیرۆریست”یان كوشتووە.
ئەمڕۆ دووشەممە 12ی نیسان، شانەی ڕاگەیاندنی ئەمنیی عێراق ڕایگەیاندووە، “ماوەی دوو ڕۆژە بە سەرپەرشتیی فەرماندەیی ئۆپراسیۆنە هاوبەشەكان هەڵمەتێكی ئەمنی دەستیپێكرد بۆ پاككردنەوەی ڕۆژئاوای چیای حەمرین و ناوچەكانی دەوروبەری لە چەكدارانی داعش”.
شانەكە ئەوەشی خستوەتەڕوو، “لە ئەنجامی ئەو ئۆپراسیۆنە، پێنج تیرۆریستی داعش كوژران، هەروەها 13 بۆمبی چێندراو تەقێندرانەوە و ژمارەیەك تەقینەوە و تی ئێن تی دەستیان بەسەردا گیراوە”.
هەر لەو ئۆپراسیۆنەدا، 7 تونێل و 42 مۆڵگە لەناوبران، لەگەڵ ژمارەیەك لە كەلوپەل و موشەكدا كە داعش پاراستبوونی، وەك شانەی ڕاگەیاندنی ئەمنیی عێراق ئاشكرایكردووە.
