وەزارەتی ناوخۆ لەبارەی ڕوداوی مردنی بەڕێوبەری كۆمپانیا كۆرییەكە ڕوونكردنەوەیەكی بڵاوكردەوە

وەزارەتی ناوخۆی عێراق ئەوەشی خستوەتەڕوو، لێكۆڵینەوەكانیان بەردەوامییان هەیە، بۆ ئەوەی بەدواداچوون بكەن بۆ هەر زانیارییەك لە داهاتوودا دەستیان دەكەوێت.

ئەو ڕاگەیەندراوەی وەزارەتەكەی عێراق پاش ئەوە دێت، دوێنێ هەینی 9ی تشرینی یەكەم لە ڕوداوێکدا تەرمی بەڕێوبەری کۆمپانیای (دایۆ)ی كۆری کە بەندەری گەورەی فاو دروستدەکات، بە هەڵواسراوی لە ژوورەکەی خۆیدا دۆزرایەوە.

پاش ڕوداوەكەش گومان لەسەر مردنی ئەو كەسە كۆرییە دروستبوو، حەسەن كەعبی، جێگری یەكەمی سەرۆكی پەرلەمانی عێراق، لە ڕاگەیاندراوێكدا كە هەینی 9ی تشرینی یەكەم بڵاویكردەوە ڕایگەیاند، “ئەوەی مایەی سەرسوڕمانی ئێمەیە، خۆكوشتنی بەڕێوبەری كۆمپانیاكە دوای چەند ڕۆژێكی كەمە لە ڕاگەیاندراوە فەرمییەكەی وەزارەتی گواستنەوە بۆ دەستپێكردنەوەی كاركردن لە پرۆژەی گەورەی فاو دا.”