بەڕێوبەرایەتی کەشناسی و بومەلەرزەزانی هەرێم ئاشکرایکرد، سبەی 10ی نیسان ئەگەری بارانبارین لە پارێزگاکانی هەرێم هەیە بە تایبەت لە ناوچە شاخاوییەکان.
بەپێی ئەو پێشبینییەی کە بەڕێوبەرایەتییەکە ئاشکرایکردووە، سبەی ئاسمان نیمچەهەور دەبێت و لەگەڵ بارینی تاوەباران لەناوچە شاخاوییەکاندا.
پێشبینییەکە ئاشکرای دەکات سبەی، لە ھەولێر بەرزترین پلەی گەرما، 26 پلە و نزمترین 18 پلە دەبێت، لە سلێمانی 25 بە 12 پلە، دھۆک 23 بە 13 دەبێت، لە کەرکوکیش 29 بە 17 پلە دەبێت.
کەشناسی هەرێم ڕایدەگەیەنێت، لە پارێزگاکانی هەولێر و سلێمانی ئەگەری بەرزبوونەوەی تۆز و خۆڵ هەیە و لەگەڵ ئەوەش لە هەندێک ناوچە هەورە بورسکە دەبێت.
