وتەبێژی وەزارەتی گواستنەوە و گەیاندنی ھەرێم رایدەگەیەنێت، بەپێی پێشبینییەكان سبەی هەینی، شەپۆلێكی بارانبارین بە شێوەی چڕ هەرێمی كوردستان دەگرێتەوە.
دیلان رەشاد، وتەبێژی وەزارەتی گواستنەوە و گەیاندنی هەرێم بە فەرمانگەی میدیا و زانیاریی حكومەتی هەرێمی راگەیاندووە، رۆژی ھەینی دووبارە شەپۆلێكی نوێی بارانبارین ھەرێمی كوردستان دەگەرێتەوە و پلەكانی گەرماش زیاتر دادەبەزن.
وتیشی، “رۆژی شەممە و یەكشەممەی داھاتوو ئەو كاریگەرییە كەمدەبێتەوە و كەشوهەوا سەقامگیردەبێت و رۆژی دووشەممە و سێشەممەی داھاتوو جارێكی تر بارانبارین ناوچە جیاجیاكانی ھەرێمی كوردستان دەگرێتەوە.
