كەشناسیی هەرێم كەشوهەوای ئەمڕۆی شارەكانی بڵاوكردەوە و بەپێی پێشبینییەكان پلەی گەرما بە بەرزی دەمێنێتەوە.
بەڕێوبەرایەتی گشتیی كەشناسی و بومەلەرزەزانی هەرێم ئەمڕۆ پێنجشەممە 8ی نیسان كەشوهەوای ئەمڕۆ و سبەی شارەكانی بڵاوكردەوە، بەپێی پێشبینییەكان ئەمڕۆ ئاسمانی شارەكان لەنێوان پەڵەهەور و نیمچە هەوردا دەبێت و پلەی گەرماش لەنێوان 31 بۆ 34 پلەی سەدی دەبێت.
هەروەها سبەی ئاسمان بەهەمان شێوە لەنێوان پەڵەهەور و نیمچە هەوردا دەبێت و پلەی گەرما لەنێوان 32 بۆ 35 پلەدا دەبێت.
ماوەی چەند ڕۆژێكە شەپۆلێكی گەرمای ناوەند ڕووی لە شارەكانی هەرێم كردووە و پێشبینی دەكرێت، ڕۆژی شەممەی داهاتوو كۆتایی پێبێت.
