کەشناسیی هەرێمی کوردستان، رایگەیاند، لە بەشێکی ناوچەکان بەفر و باران دەبارێن.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، رایگەیاند، ئەمڕۆ ئاسمان پەڵەهەور بۆ نیمچەهەور دەبێت، لەگەڵ ئەگەری بوونی تۆزێکی سووک لە کەشدا ،پلەی گەرمی لە تۆمارکراوەکانی دوێنێ نزیک دەبێتەوە.
دەشڵێت، سبەینێ شەممە ئاسمان لەنێوان نیمچەهەور و هەوری تەواو دەبێت، سەرەتا لە ناوچە شاخاوییەکانی باکووری پارێزگای دهۆک کەمێک نمەباران و بەفربارین دەستپێدەکات پاشان لە کاتەکانی ئێوارە نمەباران و بارانی مامناوەند زۆربەی ناوچەکانی پارێزگای دهۆک و ئیدارەی سۆران دەگرێتەوە .
باس لەوەشدەکات، لە درەنگانی شەوی شەممە کاریگەریی دابارین زیاددەکات و لە زۆربەی ناوچەکانی هەرێمی کوردستان بارانبارین دەبێت، هەروەها لەسەرجەم ناوچە سنوورییەکان بەفربارین دەبێت ، پلەی گەرمی بە نزیکی 1 تا 2 پلە بەرزتردەبێت بەراورد بە تۆمارکراوەکانی ئەمڕۆ.
