ئیدارەی گەرمیان بڕیاریداوە کە هەزار یەکەی نیشتەجێبوون بۆ مامۆستایان و فەرمانبەرانی سنوری قەزای کفری دروست بکرێت.
لەسەر ئەو پرسە هونەر مەحمود، بەرێوەبەری وەبەرھێنانی گەرمیان ئاشکرایکردووە، ” ھەزاریەکەی نیشتەجێبوون بۆ مامۆستایان و فەرمانبەران لەسنوری قەزای کفری دەچێتەبواری جێبەجێکردنەوە و ئێستا کارەکە هەموو ڕێکارەکانی تەواو بووە”.
بەڕێوبەری وەبەرهێنانی گەرمیان ڕاشیگەیاندووە، ئێستا کۆمپانیایەک تەندەرەکەی بۆ دەرچووە و هەموو ڕێکارە کارگێڕی و یاساییەکانی تەواوکردووە بۆ پڕۆژەکە و لە ئایندەیەکی نزیکدا دەستدەکرێت بە کارکردن.
بەپێی ئەو زانیاریانەی کە ئیدارەی گەرمیان ئاشکرایکردووە ئەو هەزار یەکە نیشتەجێبوونە تەنها بۆ ئەو مامۆستا و فەرمانبەرانەیە کە لە سنوری قەزای کفری نیشتەجێن.
