لەلایەن چەکدارێکی نەناسراوەوە شەوی رابردوو تەقە لە موختاری گوندی عریشەی ناحیەی رەشادی سەر بە پارێزگای کەرکوک کرا و بریندارکرا.
پەیامنێری تۆڕی میدیایی ئێستا لە کەرکوک گواستییەوە، رووداوەکە شەوی رابردوو لە نزیک نەخۆشخانەی شیفای14 لە گەڕەکی عەسکەری شاری کەرکوک روویداوە.
لە رووداوەکەدا “مەحمود عەبدوڵا” موختاری گوندی عریشە لە ناحیەی رەشاد و ئەندامی پێشووی ئەنجومەنی ناحیەی رەشاد بریندارکراوە.
لەکاتێکدا موختاری گوندەکە لەناو ئۆتۆمبێلەکەیدا بووە کەسێک بە ماتۆڕسکیلێکەوە لێی نزیکبووەتەوە و لەناو ئۆتۆمبێلەکەیدا تەقەی لێکردووە و برینداریکردووە.
دوای رووداوەکە موختاری گوندی عریشە گواستراوەتەوە بۆ نەخۆشخانە بەمەبەستی چارەسەرکردنی.
