بەڕێوەبەرایەتیی هاتوچۆی گەرمیان رایگەیاند، لەناو شاری کەلار و لە ترافیکلایتی نزیک مزگەوتی بوخاری، دوو ئۆتۆمبێل پێکیاندادا و کەسێک بووە قوربانی.
بەڕێوەبەرایەتییەکە لە راگەیەندراوێکدا بڵاویکردەوە، ئەمشەو چوارشەممە، دوو ئۆتۆمبێلی جۆری نیسان ناڤارا و دۆدج، لە ترافیکلایتی نزیک مزگەوتی بوخاری پێکیاندادا، بەهۆیەوە شۆفێری نیسان ناڤارا لەدایکبووی 1974، برینداربوو.
دەشڵێت، رووداوەکە لەکاتێکدا روویداوە، ئۆتۆمبێلی جۆری دۆدج لە گەڕەکی کەلاری کۆنەوە، بە ئاراستەی بازاڕ رۆیشتووە و نیسان ناڤارا، بە ئاراستەی نەخۆشخانەی شەهید شێرەی نەقیب رۆیشتووە و لە ترافیکلایتەکەدا پێکیانداداوە.
هاتوچۆی گەرمیان ئاماژە بەوەشدەکات، لێکۆڵینەوە لە رووداوەکە لەلایەن تیمی هاتوچۆوە دەستیپێکردووە بۆ زانینی هۆکار و چۆنیەتیی رووداوەکە.
