بەڕێوەبەرایەتیی پۆلیسی گەرمیان رایگەیاند، حەوت کەسیان بە تۆمەتی دزینی ماتۆڕسکیل دەستگیرکردووە و تۆمەتبارەکان دانیانناوە بە تاوانەکەیاندا.
لە راگەیەندراوێکدا بەڕێوەبەرایەتیی پۆلیسی گەرمیان ئاشکرایکرد، چەند هاوڵاتییەک سکاڵایان تۆمارکردووە کە ماتۆڕسکیلەکانیان لێدزراوە.
ئاماژە بەوەدەکات، دوای بەدواداچوون توانرا حەوت تۆمەتبار بە تۆمەتی دزینی ئەو ماتۆڕسکیلانە دەستگیربکرێن، دوای دەستگیرکردنیان دانیانناوە بە تاوانەکانیاندا.
بەپێی دانپێدانانی تۆمەتبارەکان، پێنج ماتۆڕسکیلیان لە سلێمانی و قەزای کەلار دزیوە و فرۆشتوویانەتەوە، ئێستا سەرجەمیان بە بڕیاری دادوەر راگیراون.
