نرخی نەوت لە بازاڕەكانی جیهاندا دابەزینی بەخۆیەوە بینی پاش بڕیاری ڕێكخراوی ئۆپیك+ دەربارەی كەمكردنەوەی پلەبەندی هەندێك لە كۆتوبەندەكانی لەسەر بەرهەمهێنان لەنێوان ئایار و تەمموزدا.
بەپێی ئاژانسی ڕۆیتەرز ئەمڕۆ دووشەممە 5ی نیسان گرێبەستە دواخراوەكانی خامی برێنت بۆ حوزەیران 61 سەنت دابەزی كە دەگاتە 0.9% و گەیشتە 64.25 بۆ هەر بەرمیلێك، لەكاتێكدا خامی ڕۆژئاوای تەكساس ڕادەستكراوی ئایاری داهاتوو 53 سەنت دابەزی كە دەگاتە 0.9%ی نرخەكەی و گەیشتە 60.92 دۆلار بۆ هەر بەرمیلێك.
ڕێكخراوی وڵاتانی هەناردەكاری نەوت و ڕوسیا و هاوپەیمانەكانیان (ئۆپیك +) ڕێككەوتن لەسەر كەمكردنەوەی كۆتوبەندەكانی بەرهەمهێنان بە بڕی 350 هەزار بەرمیل نەوتی ڕۆژانە لە حوزەیران و نزیكەی 400 هەزار بەرمیل لە تەمموزی داهاتوودا.
بەپێی ڕێككەوتنەكەی ڕۆژی پێنجشەممە كەمكردنەوەكانی ئۆپیك+ كاتێك ئەو زیادەیەی دەچێتەوە سەر دەگاتە 6.5 ملیۆن بەرمیلی ڕۆژانە.
