ڕابەڕی ڕەوتی سەدر لە عێراق، پشتگیری خۆی بۆ کرانەوەی وڵاتەکەی بە ڕوی وڵاتانی کەنداودا ڕاگەیاند و پێی وایە “ئەوە ڕێگە دروستەکەیە”.
موقتەدا سەدر، ڕابەڕی ڕەوتی سەدر، لە تویتێکدا ئێوارەی ئەمڕۆ 4 ی نیسان ڕایگەیاند، “کرانەوەی عێراق بەڕوی وڵاتانی عەرەبیدا ڕێگە ڕاستەکەیە و پشتگیری سەردانی مستەفا کازمی، سەرۆکوەزیران دەکەین بۆ وڵاتانی ئیمارات و سعودییە”.
سەدر نوسیویەتی، “ئەو جۆرە پەیوەندیانە دەبێتەهۆی دروستبوونی ئاشتی لە ناوچەکەدا و بە تایبەت ڕۆژهەڵاتی ناوەڕاست”.
— مقتدى السيد محمد الصدر (@Mu_AlSadr) April 4, 2021
مستەفا کازمی، سەرۆکوەزیرانی عێراق لە سەردانێکدا هەردوو وڵاتی سعودییە و ئیماراتی بەسەرکردەوە و لەگەڵ بەرپرسانی ئەو دوو وڵاتەدا کۆبوویەوە.
