وەزارەتی تەندروستیی هەرێم ڕایدەگەیەنێت، 755 توشبووی نوێی كۆرۆنا تۆماركراوە و 10 توشبووش گیانیان لەدەستداوە.
وەزارەتەكە ئەمڕۆ پێنجشەممە 1ی نیسان ئاماری 24 كاتژمێری ڕابردووی بڵاوكردەوە و دەڵێت، لەو ماوەیەدا 9 هەزار و 200 پشكنین ئەنجامدراوە و لەو ژمارەیە 755 توشبووی نوێ تۆماركراوە.
هەر لەو ماوەیەدا 333 توشبوو چاكبوونەتەوە و 10 توشبووش گیانیان لەدەستداوە.
بەپێی ئامارەكە كۆی توشبووانی كۆرۆنا لە هەرێم گەیشتە 122 هەزار و 915 توشبوو، لەو ژمارەیە 109 هەزار و 995-یان چاكبوونەتەوە و سێ هەزار و 680 توشبووش گیانیان لەدەستداوە.
