وەزارەتی تەندروستیی هەرێم ڕایدەگەیەنێت، 612 كەسی دیكە توشی كۆرۆنا بوون و 11 كەسیش گیانیان لەدەستداوە.
وەزارەتەكە ئەمڕۆ شەممە 10ی نیسان ئاماری 24 كاتژمێری ڕابردووی تایبەت بە كۆرۆنای بڵاوكردەوە و ڕایگەیاند، حەوت هەزار و 367 پشكنین ئەنجامدراون، لەو ژمارەیە 612 توشبوو تۆماركراوە.
دەشڵێت، 384 توشبوو چاكبوونەتەوە و 11 توشبووش گیانیان لەدەستداوە.
بەپێی ئامارەكەی وەزارەتی تەندروستی 131 هەزار و 141 توشبوو تۆماركراوە، لەو ژمارەیە 113 هەزار و 619 توشبوو چاكبوونەتەوە و سێ هەزار و 776 توشبووش گیانیان لەدەستداوە.
