ئەمشەو، یەکشەممە گەڕی دووەمی پاڵاوتنەکانی کیشوەری ئەوروپا بۆ گەیشتن بە مۆندیالی 2022ی قەتەر بەردەوامی هەبوو و هەڵبژاردەکانی ئینگلتەرا و ئیسپانیا براوەبوون.
لە ڕوبەڕوبوونەوەیەکی بەهێزدا هەڵبژاردەی ئیسپانیا بە ئەنجامی دوو گۆڵ بەرانبەر گۆڵێک بردنەوەی بەرانبەر جۆرجیا تۆمارکرد، گۆڵەکەی جۆرجیا لە خولەکی 44 لەلایەن خڤیچا کڤاراسخیلیاوە، دوو گۆڵەکەی ئیسپانیاش لە خولەکەکانی56 و 91 لەلایەن فیران تۆرێس و دانی ئۆلمۆوە تۆمارکران.
لەلایەکی دیکەوە هەڵبژاردەی ئینگلتەرا بە ئەنجامی دوو گۆڵی بێوەڵام بردنەوەی بەرانبەر ئەلبانیا تۆمارکرد، گۆڵەکان لە خولەکەکانی 38 و 63 لەلایەن جهاری کەین و ماسۆن ماونتەوە تۆمارکران.
لە دوو ڕوبەڕوبوونەوەی دیکەدا، هەڵبژاردەی دانیمارک بە ئەنجامی هەشت گۆڵی بێوەڵام بردنەوەی بەرانبەر مۆڵدۆڤا تۆمارکرد و ئەرمینیا بردنەوەیەکی چاوەڕواننەکراوی بە ئەنجامی دوو گۆڵی بێوەڵام بەرانبەر ئایسلەندا نوسییەوە.
دانیمارک 8-0 مۆڵدۆڤا
ئەرمینیا 2-0 ئایسلەندا
