دوای پێکدادانی دوو شەمەندەفەر لە باکوری شاری سوهاجی لە میسر تا ئێستا گیان لە دەستدانی 32 کەس و بریندار بوونی 66 کەسی دیکە لەلایەن وەزارەتی تەندروستی ئەو وڵاتەوە پشتڕاستکراوەتەوە.
ناوەندی سەرپەرشتیاری ڕێگەی ئاسنی لە میسر لەبارەی هۆکاری ڕوداوەکەوە ئاشکرایکردووە، “دوگمەی برێکی لە ناکاو لەلایەن کەسێکی نەناسراوەوە ڕاکێشراوە و ئەوەش بووەتە هۆی وەستانی شەمەندەفەرەکە و دواتر شەمەندەفەری دووەم لە پشتەوە خۆی پێدا کێشاوە و بووەتەهۆی لە دەرچوونی دوو فارغۆنی شەمەندەفەرە وەستاوەکە.
بەهۆی کۆنی و نوێنەکردنەوەی ڕێگەی ئاسنی لە میسر مەترسییەکی زۆر لەسەر سەرنشینانی بەشێک لە شەمەندەفەرەکانی میسر هەیە و سێ ساڵ پێش ئێستاش عەبدولفەتاح سی سی، سەرۆککۆماری میسر ڕایگەیاند، پێویستیان بە 10 ملیار پاوەنی میسری هەیە بۆ نۆژەنکردنەوەی ڕێگە ئاسنینەکان.
