بەپێی هەواڵێکی میدیا ئێران، ئەمڕۆ هەینی 27ی تشرینی دووەم، زانای بواری چەکی ئەتۆمی ئێرانی، بەناوی موحسین فەخری زادە لە ناوچەی ئابسەردی دەماوەند ‘تیرۆر’ کرا.
ئاژانسی هەواڵی فارس ڕایگەیاند، موحسین فەخری زادە، زانای ئەتۆمی ئێرانی بەهۆی تەقینەوەیەک و تەقە کردنەوە، لە شەقامی مستەفا خومەینیی ناوچەی ئابسەردی دەماوەند لە تاران بریندار بووە و دواتر هەوڵی چارسەرکردنی فەخری زادە و بریندارەکانی دیکە دراوە، بەڵام فەخری زادە گیانیلەدەستداوە.
بەپێی هەواڵەکەی فارس نیوز، سێ بۆ چوار کەسی دیکە لە تەقینەوەکەدا کوژراون کە بەپێی هەواڵەکەی فارس نیوز تەرمی ‘تیرۆریستەکان’ بوون.
