وەزارەتی پەروەردە دەوامی خوێندنگاكانی ڕاگرت

دەوام تا 8ی نیسان ڕادەگیرێت

وەزارەتی پەروەردەی هەرێم ڕایدەگەیەنێت، جگە لە قۆناغی 12ی ئامادەیی و پەیمانگاکانی سەر بە وەزارەت سەرجەم قۆناغەکانی دیکەی خوێندن، دەوام تا ڕێککەوتی 8ی نیسان تەنها بۆ تاقیكردنەوەكان دەبێت و ئەوانەش تاقیكردنەوەیان ئەنجامداوە دەوامیان ڕادەگیرێت.

وەزارەتی پەروەردە ئەمڕۆ پێنجشەممە 25ی ئازار ڕاگەیەنراوێكی بڵاوكردەوە و تیایدا هاتووە، پاڵپشت بەو دەسەڵاتەی پێماندراوە لە کۆبوونەوەی لیژنەی باڵای ڕوبەروبوونەوەی کۆرۆنا، لە کۆبوونەوەی ئەمڕۆی وەزیری پەروەردە و بریکاری وەزارەت و بەرێوەبەری گشتیی پەروەردەی پارێزگاکان، لەبەر زیادبوونی ڕێژەی توشبوون و مردن بە ڤایرۆسی کۆرۆنا چەند بڕیارێكیان دەركردووە.

لە بڕیارەكاندا هاتووە، جگە لە قۆناغی 12ی ئامادەیی و پەیمانگاکانی سەر بە وەزارەتی پەروەردە (حکومی – ناحکومی) سەرجەم قۆناغەکانی دیکەی خوێندن دەوام تا ڕێککەوتی 8ی نیسان تەنها بۆ ئەنجامدانی هەڵسەنگاندنی بازنەی یەکەم و تاقیکردنەوەکانی (20) نمرەی نوسینەکی لە قوتابخانە حکومییەکان و تاقیکردنەوەی کۆتایی وەرز لە قوتابخانە ناحکومییەکان دەبێت.

ڕونیشیدەكاتەوە، هەموو ئەو قوتابخانە حکومیانەی هەڵسەنگاندنی بازنەی یەکەم و تاقیکردنەوەی (20) نمرەی نووسینەکیان کردووە دەوامیان تا 8ی نیسان ڕادەگیرێت.

وەزارەتی پەروەردە ئاماژەی بەوەشكردووە، لە کۆبوونەوەی لیژنەی باڵای کۆرۆنا هەڵسەنگاندنی نوێ بۆ دۆخی تەندروستی دەكرێت.

بابەتی پێشتر

تەندروستیی سلێمانی: 43 هەزار ژەم ڤاكسینی نوێ دەگاتە هەرێم

بابەتی دواتر

بایرن و تۆتنهام خاوەنی بەهێزترین دووانەی تۆپی پێن لە ئەوروپا

بابەتی پەیوەندیدار
Total
1
Share