هاوڵاتییەك لە ناوشاری دهۆک کوژرا و پۆلیس بە دوای بكوژەكەدا دەگەڕێت.
پۆلیسی دهۆک ڕایگەیاند، ئێوارەی ئەمڕۆ هەینی گەنجێک لە ناوەندی شاری دهۆک کوژراوە و دواتر تەرمەکەی گواستراوەتەوە بۆ پزیشکیی دادیی دهۆک.
بەپێی ڕاگەیەندراوی بەشی ڕاگەیاندنی پۆلیسی پارێزگای دهۆك، هێزەكانی پۆلیس بە دوای بكوژەكەدا دەگەڕێن و بەپێی ماددەی 406 لە یاسای سزادانی عێراقی لێکۆڵینەوە لە ڕووداوەكە بەردەوامە.
