سێ ڕاهێنەری بێکاری ئیتاڵی لە گواستنەوەکانی هاوینی 2021 هاوکێشەی ڕاهێنەرانی خولی ئیتاڵیا دەگەیەننە ئەنجام.
ڕۆژنامەی کۆرێری دێلۆ سپۆرتی ئیتاڵی ئاشکرایکردووە، کە هەریەک لە ماورزیۆ ساری ڕاهێنەری پێشووی یوڤانتۆس و ناپۆلی، ماسیمیلیانۆ ئالێگری ڕاهێنەری پێشووی یوڤانتۆس و لوچیانۆ سپالێتی ڕاهێنەری پێشووی ئینتەرمیلان لە چاوەڕوانی هەلێکدان بۆ گەڕانەوە نێو یاریگاکانی ئیتاڵیا،
بەپێی سەرچاوەکە، هەریەک لە پاولۆ فۆنێسکای ڕاهێنەری یانەی ڕۆما و جینارۆ گاتوسۆی ڕاهێنەری ناپۆلی و ئەندریا پێرلۆی ڕاهێنەری یانەی یوڤانتۆس لەم وەرزەدا ئاستیان بەپێی پێویست نەبووە و هەریەکێکیان بە شێووەیەک کێشەیان لەگەڵ ئیدارەی یانەکانیان هەیە، ئەوەش وا دەکات هاوینی 2021 بۆ گواستنەوەی ڕاهێنەران لەباربێت.
کۆرێری نوسیویەتی، هاوکێشەی ڕاهێنەران لە نێوان یانەکانی یوڤانتۆس، لازیۆ و ڕۆما و ناپۆلیدا دەبێت بە ئەنجام بگات، لەلایەن ڕاهێنەران کێشەیان هەیە و لەلایەکی دیکەوە ڕاهێنەرە بێکارەکان پەیامی قایلبوون بە گوێی ئیدارەی هەمان ئەو یانانە دەدەن.
هەموو ئەمانە لە کاتێکدایە کە جیانپیێرۆ گاسپرینی ڕاهێنەری یانەی ئاتالانتا و سیمۆن ئینزاگی ڕاهێنەری لازیۆ پێگەکانیان مسۆگەرنییە و میدیاکان پێیان وایە، بۆ وەرزی داهاتوو پەیوەندی بە یانەی گەورەترەوە دەکەن.
