یانەی ڕیاڵ مەدریدی ئیسپانی ئامادەکاری بۆ گواستنەوەکانی هاوینی 2021 کردووە و هەوڵەکانیان بە ئاڕاستەی پێنج یاریزان دەبێت.
بەکۆی زانیاری میدیاکانی ئیسپانیا، یانەی شاهانە لە میرکاتۆی هاوینی 2021 بە بودجەیەکی دیاریکراوەوە و لە ڕێگەی چاودێرانیەوە هەوڵ بۆ گواستنەوەی پێنج یاریزان دەدات، سەرچاوەکان دووپاتیدەکەنەوە، هەوڵەکانی فلۆرنتینۆ پێرێز و هاوەڵانی لە پێنج یاریزان تێپەڕناکەن.
داڤید ئالابا: لەگەڵ بایرن کۆتاییهاتووە، هاوینی 2021 نرخی گواستنەوەی دەبێتە بێبەرانبەر و بەڕێوبەرانی مێرەنگی پەیوەندیان لەگەڵدا بەستووە، ڕۆژنامەی مارکا نوسیویەتی، ڕێککەوتن لە نێوان جەمسەرەکاندا کراوە.
ئیدواردۆ کاماڤینگا: هاوینی 2022 بۆندەکەی لەگەڵ یانەی ستاد ڕینس کۆتاییدێت و تاوەکو ئێستا نوێنەکراوەتەوە، یانە فەرەنسیەکەی هەوڵدەدەن بەر لەوەی نرخی ببێتە بێبەرانبەر بە یانەیەکی دیکەی بفرۆشن، بۆ ئەم گواستنەوەیەش یانەی شاهانە نزیکترینە و زینەدین زێدان پێی وایە هاونیشتیمانەکەی دەبێتە باشترین جێگرەوە بۆ کاسیمێرۆ.
کریستیانۆ ڕۆناڵدۆ: سەرەڕای ئەوەی ئەم گواستنەوەیە ئاستەمە واژووبکرێت، بەڵام تاووتوێ کراوە و هەوڵەکان بەو ئاڕاستەیە دەبن بە شێوەی خواستن، یاخود بۆ وەرزێک وەک یاریزانێکی بیانی بۆندی لەگەڵدا واژووبکرێت.
کیلیان مباپێ و ئێرلینگ هالاند: دوو یاریزانەکە لەلایەن زۆرینەی یانە زەبەلاحەکانەوە داواکراون، بەڵام ڕۆژنامەکانی مارکا و ئاس و چەندین سەرچاوەی دیکە دووپاتیانکردووەتەوە، ئەگەر پێرێز و هاوەڵانی بڕی داواکراو بۆ گواستنەوەیان پێشکەشبکەن، لە گواستنەوەی هەردووکیاندا سەرکەوتن بەسەر یانەکانی دیکە بەدەستدەهێنن.
