نێیمار دا سیلڤا جەخت لە بەردەوامبوونی لە یانەی پاریس سان جێرمان دەکاتەوە و دەڵێت، “هاندەرانیش خۆشەویستم پێنەدەن، ناڕۆم.”
ئەستێرەکەی سێلیساو لە وەڵامی ئەو میدیایانەی ئاماژە بە گواستنەوی دەکەن بۆ یەکێک لە یانەکانی چێڵسی یان نیوکاسڵ، دەڵێت، “وەرزی داهاتوو لە یانەی پاریس سان جێرمان دەبم، بە خۆشەویستی هاندەران و بەبێ خۆشەویستییان لێرە بەردەوام دەبم.”
هەروەها دەڵێت، “من و مێسی و مباپێ سێ باشترینی جیهانین، لە ژووری جلگۆڕین بەیەکەوە زۆر گونجاوبووین، هەموو هەوڵێکماندا بۆ بردنەوەی ناسناوە گەورەکان، بەڵام تۆپی پێ دادپەروەر نییە، بێچانسی هۆکاری شکستەکەمان بوو.”
وەڵامی “نێی” ئاشکرایە و دەریدەخات، کە لە یانەی پاریس سان جێرمان بەردەوام دەبێت و تەنانەت لە ئەگەری دژایەتیکردنیشی لەلایەن ئاڵتراسی پاریسەوە، هێشتا ئامادە نییە ڕوو لە یانەی دیکە بکات.
