وتەبێژی پۆلیسی گەرمیان ڕایگەیاند، ئەو کەسەی بە تۆمەتی کوشتنی مێرد منداڵێک لە شاری کەلار دەستگیرکرابوو ئەگەرچی دانی بە تاوانەکەدا نەناوە، بەڵام لە زیندان خۆی کوشتووە.
موقەدەم- عەلی قەدوری، وتەبێژی پۆلیسی گەرمیان لە لێدوانێكدا بۆ تۆڕی میدیایی ئێستا ڕایگەیاند، “ئەمڕۆ 19 ی ئازار کەسێک لە گرتوخانەی گەرمیان خۆی خنکاندووە کە هاوڵاتییەکی بە تەمەنە و بە تۆمەتی کوشتنی مێرد منداڵێک لە چەند ڕۆژی ڕابردوودا دەستگیرکراوە”.
بەپێی زانیارییەکان ئەو کەسەی بە تۆمەتی مێردمنداڵەکە دەستگیرکراوە ناوی “ج،ج،د” بووە و تا کاتێک کۆتایی بە ژیانی خۆی هێناوە دانی بەو تۆمەتەدا نەناوە کە ئاڕاستەی کراوە.
