خوان لاپۆرتا، سەرۆکی نوێی یانەی بەرشلۆنە هەوڵدەدات لیۆنێل مێسی بە یانەی بەرشلۆنەوە ببەستێتەوە و بۆ ئەم مەبەستەش بۆندێکی بۆ ئامادەکاردووە.
ڕۆژنامەی “ئیل کۆنفیدینسیاڵ”ی ئیسپانی بڵاویکردووەتەوە، بەهۆی قەیرانی داراییەوە ئیدارەی نوێی بارسا توانای نەماوە موچەی تەواوی مێسی بدات، بەڵام لاپۆرتا بە ڕێگەیەکی جیاواز دەیەوێت ئەفسانەکە بە مانەوە و بەردەوامبوون قایلبکات.
بەپێی سەرچاوەکە، لاپۆرتا بۆندێکی نوێ دەخاتەسەر مێزی گفتوگۆکردن لەگەڵ مێسی و لێپرسراوی کارەکانی، لە بۆندە نوێیەکەدا بە ڕێژەی لەسەدا (30) موچەکەی کەمدەکرێتەوە و لە بەرانبەردا بەڵێنی ئەوەی پێدەدەن لە دوای وازهێنان وەک باڵیۆزی یانە لە ئیسپانیا، یاخود ئەمریکای لاتین جێگیریبکەن.
https://www.youtube.com/watch?v=Qwv7S1ATZbQ
لە مەراسیمی ناساندنی وەک سەرۆکی یانە ڕایگەیاند، ” مێسی دەزانێت بەڵێنەکانم دەبەمەسەر، هەموو شتێک دەکەین بۆ بەردەوامبوونی لە یانەکەمان”.
لاپۆرتا دەزانێت بەردەوامبوونی مێسی لە ڕووی داراییەوە چ کاریگەرییەکی لەسەر یانەکە دەبێت، بۆیە بەهەموو توانایەوە هەوڵی نوێکردنەوەی بۆندەکەیی و پاراستنی دەدات لە یانەکانی مانچستەر سیتی و پاریس سانت جێرمان.
