نرخی نەوتی خاو لە دابەزین بەردەوامە، خاوی برێنت هاتووەتە خوار 68 دۆلار، هۆكارەكەشی بۆ زیادبوونی نەوتی لەكۆگاكراوی ئەمریكا و كۆرۆنا دەگەڕێندرێتەوە.
ئەمڕۆ پێنجشەممە 18ی ئازار، لەكاتی بڵاوكردنەوەی ئەم هەواڵە نرخی یەك بەرمیل نەوتی خاوی برێنت بەرامبەرە بە 67 دۆلار و 54 سەنت.
هەروەها نەوتی خاوی ڕۆژئاوای تەكساس (ئەمریكا) یەك بەرمیلی بەرامبەرە بە 64 دۆلار و 20 سەنت.
بەگوێرەی داتا جیهانییەكانی نەوت، پێنج ڕۆژی لەسەر یەكە، بەهای نەوتی خاو ڕوو لە دابەزینە.
ئاژانسی ڕۆیتەرز، هۆكاری دابەزینی بەهای نەوتی خاوی گەڕاندووەتەوە بۆ زیادبوونی نەوتی لەكۆگاكراوی ئەمریكا و بەردەوامیی مەترسییەكانی كۆرۆنا لەسەر جیهان.
