دوای 85 ساڵ لەكاركردن، رادیۆی BBC عەرەبی، پەخشەكەی رادەگیرێت، كە یەكێك بووە لە كۆنترین سەرچاوەكانی هەواڵ بۆ دانیشتووانی رۆژهەڵاتی ناوەڕاست لە ماوەی رابردوودا.
دەستەی بەڕێوەبەرانی تۆڕی هەواڵی BBC ی بەریتانی هۆكاری راگرتنی پەخشكردنیان بۆ قەیرانی دارایی گەڕاندووەتەوە و ئیدارەی ئەو دەزگایەش رایانگەیاندووە، “هاوڵاتییان دەتوانن لە پێگە ئەلیكترۆنییەكان، وێبسایت و یوتیوبەوە لەگەڵیان بەردەوامبن”.
رادیۆی BBC عەرەبی لە ساڵی 1938وە دەستی بە پەخشكردن كردووە، لە رابردوودا سەرچاوەیەكی هەواڵی و جێی بایەخی هاوڵاتییان بووە لەسەر ئاستی رۆژهەڵاتی ناوەڕاست و جیهانی عەرەبی.
