ژمارەیەك كەس بەهۆی تەقەكردنەوە لە سێ سەنتەر شێلان “مەساج” لە ویلایەتی جۆرجیای ئەمریكا كوژران.
بەگوێرەی ئەو هەواڵانەی میدیاكانی ئەمریكا و ئاژانسەكانی هەواڵ بڵاویانكردووەتەوە، دوێنێ سێشەممە 16ی ئازار، هەشت كەس لە سێ سەنتەری شێلان لە ویلایەتی جۆرجیا بەهۆی دەستڕێژی گولەوە كوژراون.
پۆلیسی و میدیاكان ئاشكرایانكردووە، لەسەر ئەو ڕوداوە گەنجێكی 21 ساڵ دەستگیر كراوە كە گومان دەكرێت دەستی لەو ڕوداوەدا هەبووبێت.
تا ئێستا ئاماژە بەوە نەكراوە، نازاندرێت ئەو سێ ڕوداوە پەیوەندییان پێكەوە هەیە یان نا.
سی ئێن ئێن-ی ئەمریكی ڕایگەیاندووە، چوار لە قوربانییەكان لە یەكێك لە سەنتەرەكانی شێلان “مەساج” كوژراون كە دەكەوێتە دەرەوەی شاری ئەتلانتا لە ویلایەتی جۆرجیا.
