زڵاتان ئیبراهیمۆڤیچی سویدی، ئەستێرەی یانەی ئەی سی میلان جەخت لەوە دەکاتەوە، کە لە ئەگەری قایلبوونی ئیدارەی یانەکەیدا ئامادەیە بۆندەکەی نوێبکاتەوە.
لە وەڵامی پرسیارێکدا دەربارەی بەردەوامبوون، یاخود ڕۆیشتنی لە میلان، سوڵتانی تۆپی پێ دەڵێت، ” نازانم، با بزانین چی ڕوودەدات، ئەگەر پاولۆ ماڵدینی مانەوەی منی بوێت، بێگومان پاڵپشتی دەکەم، دەمویست بۆ ڕوبەڕوبوونەوەی ڤیرۆنا ئامادەبم، لەبەرئەوەی یانەکەمم خۆشدەوێت و زۆر بیریانم دەکرد، هەر ڕۆژێک بەبێ ئەوان بەڕێبکەم، وەک ئەوە وایە ڕۆژێکم بەبێ کوڕەکانم بەڕێکردبێت”.
هەروەها دەڵێت، ” لە میلان چەندین بەرپرسیاریەتیم هەیە و هەستدەکەم سەرکردەی پێکهاتەکەم، ئەم یانەیە تاکە یانەیە تیایدا هەست بە جۆشوخرۆش دەکەم، دەمەوێت زۆریان پێببەخشم و ئەزموونێکی زۆرم هەیە تاوەکو ببمە پێشەوای یاریزانەکانی دیکەی یانە، یاریزانەکانی دیکە کە سەیری چاوەکانم دەکەن چاوەڕێی شتێکم لێدەکەم”.
زڵاتان دوای یاریکردن بۆ میلان لە نێوان ساڵانی 2010 بۆ 2012، لە هاوینی 2020 دووبارە گەڕایەوە بۆ یانە لۆمپاردیەکە و لەم وەرزەدا هاوکاری ستیفانۆ پیۆلی بووە لە گەڕاندنەوەی میلان بۆ پێگەکانی سەرەتای ڕیزبەندی کالچیۆ.
