عەدنان قەیسی، زۆرانبازی عێراقی و ئەستێرەی WWE لە تەمەنی 84 ساڵیدا كۆچی دواییكرد.
سایتی WWEی وەرزشیی تایبەت بە زۆرانبازیی ئازاد هەواڵی مردنەكەی قەیسی بڵاوكردەوە و رایگەیاند، عەدنان قەیسی كە لای ئارەزوومەندانی زۆرانبازیی ئازاد بە بیلی وایت وۆلف و جەنەڕاڵ عەدنان ناسراو بوو دوێنێ كۆچی دواییكردووە.
عەدنان عەبدولكەریم ئەحمەد قەیسی (1ی ئازاری 1939 – 6ی ئەیلولی 2023) ئەفسانەی زۆرانبازیی عێراق و زۆرانبازی پیشەگەر، لە چەندین یەكێتیی ناسراو یاریكردووە لەوانە AWA-NWA و بەڕێوەبەری چەندین زۆرانباز بووە لەوانە سوپەرستاس بیلی گرام، جیری كرشر، بلاكول و بۆب ئۆرتۆن.
