ئەمشەو، چوارشەممە یانەی بەرشلۆنە یاری گەڕانەوەی قۆناغی نیوەی کۆتایی جامی شای ئیسپانیای بەرانبەر ئیشبیلیە ئەنجامدا و بردنەوەیەکی گەورەی تۆمارکرد.
بەرشلۆنە لە یاریگای کامپ نو میوانداری ئیشبیلیەی کرد و 90 خولەکی یاسایی یارییەکە بە ئەنجامی دوو گۆڵی بێوەڵام لەبەرژەوەندی کەتەلۆنیەکان کۆتاییهات.
گۆڵەکان لە خولەکەکانی 12 و 93 لەلایەن عوسمان دیمبیلێی هێرشبەری فەرەنسی و جێرارد پیکێی بەرگریکارەوە تۆمارکران.
سەرەڕای ئەوەی ئەستێرەکانی کومان توانیان بردنەوە تۆماربکەن، بەڵام ئەنجامی کۆتایی یاریی چوون و گەڕانەوە (2-2) بوو، بۆیە پەنا بۆ کاتی زیادکراوبرا.
https://streamable.com/op49cl
لە کاتە زیادکراوەکاندا مارتن برەیزوایت لە خولەکی 95 گۆڵی سێیەم و یەکلاکەرەوەی تۆمارکرد و یارییەکە بە ئەنجامی (3-0) کۆتاییهات،
بەپێی ئەنجامە تۆمارکراوەکە، بەرشلۆنە ململانێی قۆناغی نیوەی کۆتایی (3-2) یەکلاییکردەوە و بلیتی یاریی کۆتایی جامی شای ئیسپانیای بۆ وەرزی 2020/2021 بڕی.
