ئەمشەو، سێشەممە لە چوارچێوەی ڕوبەڕوبوونەوەکانی هەفتەی 25ی خولی پلە یەکی ئیتاڵیا، یانەی یوڤانتۆس بردنەوەیەکی گرنگی بەرانبەر سپیزیا تۆمارکرد.
یوڤانتۆس لە ئالیانز ستادیەم میوانداری سپیزیا کرد و یاری نێوانیان بە ئەنجامی سێ گۆڵی بێوەڵام لە بەرژەوەندی کوڕانی پێرلۆ کۆتاییهات.
گۆڵەکانی بیانکۆنێری لە خولەکەکانی 62 و 71 و 89ی تایمی دووەم لەلایەن ئەلڤارۆ مۆراتا و فیدریکۆ کیێزا و کریستیانۆ ڕۆناڵدۆوە تۆمارکران.
بەپێی ئەنجامە تۆمارکراوەکە، یوڤی ژمارەی خاڵەکانی لە کۆی 25 یاری وەرزی 2020/2021 گەیاندە 49 و لە پلەی سێیەمی ڕیزبەندی یانەکانی کالچیۆ بە جیاوازی سێ خاڵ لەدوای یانەی میلانەوە جێگیربوو، لە بەرامبەردا یانەی سپیزیا بە 25 خاڵەوە لە پلەی 15ی ڕیزبەندیدا وەستایەوە.
یوڤانتۆس لەم وەرزەدا 14 بردنەوە و حەوت یەکسانبوون و سێ دۆڕاندنی تۆمارکردووە، لە تۆماری گۆڵیشدا 48 گۆڵیان تۆمارکردووە و 20 گۆڵیان لەسەر تۆمارکراوە.
لەسەر ئاستی گۆڵکارانی کالچیۆ، بە تۆمارکردنی گۆڵێکی دیکە کریستیانۆ ڕێژەی گۆڵەکانی بۆ (20) گۆڵ زیادکرد،
