بەڕێوبەرایەتیی پۆلیسی ڕاپەڕین ڕایگەیاند، ئێوارەی ئەمڕۆ دوو برا کە یەکێکیان پیشەی پێشمەرگەیە، لە قەڵادزێ دەمەقاڵێ لە نێوانیاندا درووستبووە و تەقەیان لەیەک کردووە و یەکێکیان گیانی لەدەستداوە.
پۆلیس دەڵێت، “بە وتەی کەسوکاریان ئەو دوو برایە لە ماڵی خۆیان بە هۆکارێکی نەزانراو دەمەقاڵێ لەنێوانیاندا دروستبووە و دواتر بووه‌تە شەڕیان کە هەردووکیان چەکی جۆری دەمانچە و تاپڕیان بەکارهێناوە و تەقەیان لەیەکتری کردووە، شوێنەواری فیشەک بەسەر جەستەی مردووەکە و شوێنەواری ساچمەش بە سەر جەستەی بریندارەکەوە هەیە”.
پۆلیسی ڕاپەڕین ئاشکراشیکردووە، “بەهۆی سەختی برینەکەیەوە بریندارەکە بەڕێکرا بۆ سلێمانی و دوای گرتنەبەری ڕێوشوێنی یاسایی تەرمەکەش ڕادەستی کەسوکاری کراوەتەوە، دەستیش گیراوە بەسەر هەردوو چەکی بەکارهاتوو، دۆسییەی لێکۆڵینەوە بۆ ڕوداوەکە کراوەتەوە و لێکۆڵینەوەش بەردەوامە”.
