جارێكی دیكە شۆفێرانی تاکسی لە شاری دهۆک بە هۆی گرانبوونی نرخی بەزین خۆپیشاندانیان ئەنجامدا و ڕێگای سەرەکی هەولێر – دهۆکیان داخست.
پەیامنێری تۆڕی میدیایی ئێستا گواستیەوە، ئێوارەی ئەمڕۆ بە هۆی خراپی کوالیتی و گرانبوونی نرخی بەنزینەوە شۆفێرانی تاکسی دهۆک ڕێگای سەرەکی دهۆک – هەولێریان داخست.
باسی لەوەشكرد، دوای داخستنی ڕێگاكە هێزە ئەمنیەکان ڕێگرییان لە خۆپیشاندانەكە كرد و چەند كەسێكیان دەستگیركرد.
هەر لە خۆپیشاندانەكەدا ڕێگری كرا لە پەیامنێری تۆڕی میدیایی ئێستا كە ڕووماڵی خۆپیشاندانەكە بكات و كەرەستە ڕۆژنامەوانییەكانیشی بۆماوەیەك دەستیبەسەرداگیرا.
