وەزارەتی شارەوانی و گەشتوگوزار ڕایگەیاند، ماوەی لێخۆشبوون لە داهاتی ئاو درێژ كرایەوە و سەرجەم بەڕێوەبەرایەتییەكانیش بۆ جێبەجێكردنی بڕیارەكە ئاگادار كراونەتەوە.
بەپێی ڕاگەیەندراوێک لە وەزارەتی شارەوانی و گەشتوگوزار، دوای وەرگرتنی ڕەزامەندی ئەنجوومەنی وەزیران بۆ بابەتی داشكاندنی قەرزی داهاتی ئاو لە هاوبەشانی ئاو بەڕێژەی %15، ئێستا بەڕێوەبەرایەتیی گشتیی ئاو و ئاوەڕۆی سەر بە وەزارەتی شارەوانی و گەشتوگوزار بڕیاری درێژكردنەوەی ماوەی لێخۆشبوون لە هاوبەشانی ئاو بۆ 31/3/2021 درێژ دەكاتەوە.
هاوکات ئاری ئەحمەد، بەڕێوەبەری گشتیی ئاو و ئاوەڕۆ ڕاگەیاندووە دوابەدوای وەرگرتنی ڕەزامەندی ئەنجوومەنی وەزیران بۆ بابەتی داشكاندنی قەرزی هاوبەشانی ئاو بە ڕێژەی %15، ئێستا بڕیاری درێژكردنەوەكە لە 1/1/2021 تا 31/3/2021 درێژ دەكرێتەوە و هاووڵاتییانیش دەتوانن لەو ماوەیەدا سەردانی بەرێوەبەرایەتییەكانی ئاو بكەن بۆ سوودمەندبوون لە بڕیارەكە.
بەڕێوەبەری گشتیی ئاو و ئاوەڕۆ ئاشکرایکردووە، “پێشووتر چەند جارێك لە مانگی شەشی ساڵی پار كارمان لەسەر بابەتی لێخۆشبوون كردووە و ڕەزامەندی درابوو، ئێستا ماوەكەی بۆ 31/3ی ئەمساڵ درێژ كراوەتەوە، و بەهۆی ئەو بریارەوە ژمارەیەكی زۆری هاوبەشانی ئاو لێی سوودمەند دەبن”.
حکومەتی هەرێم بەهۆی قەرزاری هاوڵاتییان و هاوبەشانی ئاو و کارەبا بە ڕێژەیەک لێخۆشبوونی دەرکردووە و لە ئێستادا داشکاندن بۆ قەرزی کارەبا لە ٪10 وە دابەزیووە بۆ ٪5
