مەسرور بارزانی، سەرۆکی حکومەتی هەرێمی کوردستان ئەمڕۆ پێنجشەممە 25ی شوبات پەیوەندییەکی تەلەفۆنی لە ژان ئیف لۆدریان، وەزیری دەرەوەی فەرەنساوە پێگەیشت و گفتوگۆیان لەبارەی هێرشە موشەکییەکانی سەر هەولێر کرد.
مەسرور بارزانی، لە تۆڕی کۆمەڵایەتیی تویتەر بڵاویکردەوە، “لەگەڵ ژان ئیف لۆدریان گفتوگۆمان لەبارەی هێرشەکانی ئەم دواییەی هەولێر کرد و جەختمان کردەوە لێکۆڵینەوەکانی ئەو هێرشە کردەوە”.
سەرۆکی حکومەت دەڵێت، “باسمان لە پەیوەندیی بەهێز و لەمێژینەی گەلی کوردستان و فەرەنسا کرد”.
لە بەرواری 15ی شوبات ژمارەیەک موشەک ئاڕاستەی هەولێر کران و لەو موشەکانە دووانیان لە فڕۆکەخانەی نێودەوڵەتیی هەولێر کەوتەخوارەوە و چەند موشەکێکیش لە ناوچەی نیشتەجێبوونەکان کەوتنە خوارەوە لە نزیک نوێنەرایەتییەکانی وڵاتان کە بووەهۆی کوژران و برینداربوونی ژمارەیەک کەس.
Pleasure speaking today with my friend @JY_LeDrian. We discussed the recent terror attack on Erbil and the ongoing investigation. We very much value the strong and longstanding friendship between the peoples of Kurdistan and France -mb. pic.twitter.com/hVgWDn0P8P
— Masrour Barzani پابەندین# (@masrour_barzani) February 25, 2021
