سەرۆکوەزیرانی هەرێم لەسەر هێرشەکانی باڵیۆزخانەی ئەمریکا لە بەغداد ڕایگەیاند، هێرش بۆسەر ناوەندە دیپلۆماتییەکان پێشهاتێکی مەترسیدارە.
مەسرور بارزانی، سەرۆکوەزیرانی هەرێم لە تویتێکدا ڕایگەیاند، “هێرشی سەر باڵیۆزخانەی ئەمریکا لە بەغداد ئیدانە دەکەین و هێرش بۆسەر ناوەندە دیپلۆماتییەکان پێشهاتێکی مەترسیدارە و وڵاتانی ڕۆژئاوا بۆ ڕوبەڕوبوونەوەی تیرۆر و داعش لە عێراقن”.
سەرۆکوەزیرانی هەرێم داوای لە بەغداد کردووە هەنگاوی کرداری بنێت بۆ پاراستنی ئەمنیەتی ناوەندە دیپلۆماتییەکان.
مەسرور بارزانی داوای ڕاگرتنی بەپەلەی هێرشەکانی کردووە بۆسەر ناوچەی سەوز و باڵیۆزخانەی ئەمریکا لەو ناوچەیەی شاری بەغداد.
شەوی ڕابردوو بە سێ موشەک هێرشکرایە سەر ناوچەی سەوز لە شاری بەغداد و زەنگی ئاگادارکردنەوەی باڵیۆزخانەی ئەمریکا لە بەغداد لێیداوە.
I condemn last night’s attack on the US Embassy in Baghdad.
Diplomatic missions take enormous risk to be in Iraq. They are here to help confront terrorism and rebuild Iraq.
I urge the federal govt to take practical measures to ensure their safety.
The attacks must stop -mb.
— Masrour Barzani پابەندین# (@masrour_barzani) February 23, 2021
