ئێوارەی ئەمڕۆ شەممە مێردمنداڵێکی تەمەن 13 ساڵان لە پڕۆژەی ئاوی حەویجەدا خنکا.
پەیامنێری تۆڕی میدیایی ئێستا گواستییەوە، مێردمنداڵەکە ناوی محەمەد رەبیع عەبد_ە و تەمەنی 13 ساڵانە و خەڵکی ناحیەی عەباسییە ئێوارەی ئەمڕۆ لە کاتی مەلەکردن لە پرۆژەی ئاوی حەویجەدا خنکاوە.
ئاشکراشیکرد، دوای رووداوەکە توانراوە تەرمەکەی دەربهێنرێتەوە و رەوانەی پەیمانگەی پزیشکی دادی بکرێت و دوای تەواوکردنی رێکارەکانیش رادەستی کەسوکارەکەی کراوەتەوە.
