ژمارەیەك موشەكی كاتیۆشا ئاراستەی ناوچەی سەوزی بەغداد كران و باس لە بوونی بریندار دەكرێت.
سەرچاوە ئەمنییەكانی عێراق ئەمڕۆ دووشەممە 22ی شوبات بڵاویاكردەوە، ژمارەیەك موشەك لە ناوچەی سەوزی بەغداد كەوتوونەتە خوارەوە.
ژمارەی كاتیۆشاكان لەنێوان سێ بۆ چوار موشەكدا بوون و بەپێی میدیاكان زەنگی ئاگاداركردنەوە لە دەوروبەری ناوچەی سەوز لە ناوەڕاستی بەغداد بیستراوە.
بەپێی هەندێك لە میدیاكان هێرشە موشەكییەكە ژمارەیەك برینداری لێكەوتووەتەوە.
خانەی ڕاگەیاندنی ئەمنی دەربارەی هێرشەكە بەیاننامەیەكی بڵاوكردەوە و دەڵێت، دوو موشەك لە ناوچەی سەوز كەوتوونەتە خوارەوە، بەبێ بوونی بریندار.
ئەوەشی ئاشكراكرد، بەدواداچوون بەردەوامە لەلایەن هێزە ئەمنییەكانەوە.
