ڕایەڵەی یانە پیشەوەرەکان بۆ هەردوو ئاستی کوڕان و کچان نوێترین ڕیزبەندی یاریزانانی تێنسی سەرزەوییان بڵاوکردەوە.
دوای ئەوەی نۆڤاک دیۆکۆڤیچی سڕبی و ناومی ئۆساکانی ژاپۆنی نازناوی پاڵەوانیەتی ئوسترالیای کراوەیان بۆ هەردوو ئاستی کوڕان و کچان مسۆگەرکرد، ئەمڕۆ، دووشەممە ڕایەڵەی یانە پیشوەرەکان نوێترین ڕیزبەندی یاریزانانی بۆ وەرزی 2020/2021 بڵاوکردەوە.
لەسەر ئاستی کوڕان نۆڤاک دیۆکۆڤیچ بە (12.030) خاڵەوە لە لوتکەدا بەردەوامە و بە جیاوازی 2180 خاڵ پێش ڕافائێل نادالی ئەفسانەی ئیسپانی کەوتووە، دانیێل میدڤیدێڤی ڕووسی دوای بەدەستهێنانی پلەی دووەم لە ئوسترالیای کراوە ژمارەی خاڵەکانی گەیاندووەتە 9735 خاڵ و لە پلەی چوارەمەوە بۆ سێیەم سەرکەوتووە.
لەسەر ئاستی کچان، ناومی ئۆساکای ژاپۆنی دوای چنینەوەی نازناوی ئوسترالیای کراوە، بۆ پلەی دووەم هەڵکشاوە، لە پلەی یەکەمیشدا ئاشلی پارتێ بەردەوامە.
