سەرۆكی ئەمریكا داوا دەكات ژیان لەگەڵ كۆرۆنادا بەردەوام بێت، هاوشێوەی ئەنفلۆنزایەك ناوزەندی دەكات كە “ڤاكسینیشی هەیە و ساڵانەش هەزاران كەس دەكوژێت”.
دۆناڵد ترەمپ، سەرۆكی ئەمریكا پاش دەرچوونی لە نەخۆشخانە، ئەمڕۆ سێشەممە 6ی تشرینی یەكەم لە تویتێكدا وتی، “وەرزی ‘ئەنفلۆنزا’ هەڵامەت بەڕێوەیە، ساڵانە خەڵكێكی زۆر كە زۆرجار دەگاتە 100 هەزار كەس بەهۆی ئەنفلۆنزاوە دەمرن لەكاتێكدا ڤاكسینیشی هەیە، ئایا بەهۆیەوە هەستاوین بە داخستنی وڵاتەكە؟، نەخێر”.
سەرۆكی ئەمریكا ئەوەشی خستوەتەڕوو، “ئێمە فێربوین بژین لەگەڵیدا، هەروەك چۆن دەبێت فێربین بژین لەگەڵ كۆرۆنادا، لەكاتێكدا لە هەندێك وڵات زیانەكانی كەمترن”.
Flu season is coming up! Many people every year, sometimes over 100,000, and despite the Vaccine, die from the Flu. Are we going to close down our Country? No, we have learned to live with it, just like we are learning to live with Covid, in most populations far less lethal!!!
— Donald J. Trump (@realDonaldTrump) October 6, 2020
