ئەمشەو، شەممە یانەی ئێڤەرتۆن یاری هەفتەی 25ی پریمەرلیگی بەرانبەر لیڤەرپوڵ ئەنجامدا و بردنەوەیەکی گەورەی تۆمارکرد.
ئێڤەرتۆنی ئەنچلۆتی لە ئانفێڵد ڕۆدز بووە میلانی لیڤەرپوڵی کلۆپ و دێربی گەورەی مێرسیساید بە ئەنجامی دوو گۆڵی بێوەڵام لە بەرژەوەندی یانەی میوان کۆتاییهات.
گۆڵەکان لە خولەکەکانی سێ و 83 لەلایەن ڕێچارلیسۆن و جیڵفی سیگۆردسۆنەوە تۆمارکران، لە بەرامبەر هێزی تۆفیزدا ئەستێرەکانی ڕێدز هەوڵیاندا کۆتایی بە زنجیرە دۆڕاندنەکانیان بهێنن (چوار دۆڕاندنی لەسەریەک لەم وەرزەدا) و لە کۆتاییەکانی تایمی دووەمدا ئەنجامەکە یەکسانبکەنەوە، بەڵام سەرجەم هەوڵەکانیان بێسود بوو و یارییەکە (2-0) کۆتاییهات.
https://streamable.com/mdmxrj
بەپێی ئەنجامە تۆمارکراوەکە، یانەی ئێڤەرتۆن لە کۆی 24 یاری ئەم وەرزە (2020/2021) ژمارەی خاڵەکانی گەیاندە 40 و لەگەڵ لیڤەرپوڵی ڕکابەری هاوتا بووەوە، بە جیاوازی گۆڵ لیڤەرپوڵ لە پلەی شەشەمدا مایەوە و ئێڤەرتۆن لە پلەی حەوتەمدا جێگیربوو، بەپێی داتا بەدەستهاتووەکان، بردنەوەی ئەمشەوی ئێڤەرتۆن لە یاریگای ڕکابەری مێژووییدا و لە دێربی مێرسیساید یەکەمینجارە لە ساڵی 1999وە ڕوودەدات.
