ئەمشەو، شەممە ڕوبەڕوبوونەوەیەکی گرنگی هەفتەی 22ی خولی پلە یەکی ئەڵمانیا ئەنجامدرا، یانەی بوروسیا دۆرتمۆند بردنەوەیەکی گەورەی بەرانبەر شالکە تۆمارکرد.
لە وێلتینز ئارینا یانەی شالکە میوانداری یانەی بوروسیا دۆرتمۆندی کرد و ئەستێرەکانی ڤیستیڤالین بە ئەنجامی سێ گۆڵی بێوەڵام بردنەوەیان تۆمارکرد.
گۆڵەکانی دێربی ڕۆر لە خولەکەکانی 42 و 45 و 60 و 79 لەلایەن جادۆن سانچۆ، ئێرلینگ هالاند (دوو گۆڵ)، ڕافائێل گێرێرۆوە تۆمارکران، سەرەڕای ئەوەی ئەستێرەکانی شاهانەی شالکە هەوڵی زۆریاندا بە گوشاری توند ئەنجامەکە ئەنجامەکە هاوتا بکەنەوە، بەڵام سەرکەوتو نەبوون و ئەنجامەکە لەو ئاستەدا وەستایەوە و (0-3) لە بەرژەوەندی زەردپۆشەکان کۆتاییهات.
بەپێی ئەنجامە تۆمارکراوەکە، یانەی بوروسیا دۆرتمۆند بە 36 خاڵ لە پلەی شەشەمی ڕیزبەندی یانەکانی بوندس لیگا جێگیربوو، یانەی شالکەی ڕکابەریشی بە نۆ خاڵەوە خراپترین ساتەکانی بەڕیکرد و لە پلەی کۆتایی (18)ی ڕیزبەندیدا جێگیربوو، کە دوو پلە دەکەوێتە خوار هێڵی مەترسی دابەزینەوە.
