وەزارەتی تەندروستیی هەرێمی کوردستان، ئەمڕۆ دووشەممە 4ی شوبات ئاماری شەو و ڕۆژی ڕابردووی توشبوون و گیانلەدەستدانی بە کۆرۆنا بڵاوکردەوە و ڕایگەیاند کە 70 کەس توشبوون و دوو کەسیش گیانیانلەدەستداوە.
لە ڕاگەیەنراوێکدا وەزارەتی تەندروستیی هەرێمی کوردستان ڕایگەیاند، “لە هەولێر 24 کەس توشی کۆرۆنا بوون، لە سلێمانی 20 کەس، دهۆک 24 و لە گەرمیان دوو حاڵەتی توشبوون تۆمارکراون”.
ڕاشیگەیاند، لە هەرێمی کوردستان دوو گیانلەدەستدان بە کۆرۆنا لە 24 کاتژمێری ڕابردوودا تۆمارکراوە کە یەکێکیان لە سلێمانی و یەکێکیش لە هەولێر بووە.
بەپێی ئامارە گشتییەکانی وەزارەتی تەندروستیی هەرێمی کوردستان تاوەکو ئێستا، 106 هەزار و 527 کەس توشی کۆرۆنا بوون و لەو ژمارەیەش 101 هەزار و 692 کەس چاکبوونەتەوە و سێ هەزار و 489 کەسیش گیانیانلەدەستداوە.
