لێکۆڵینەوەیەکی پزیشکی ئاماژە بەوە دەکات، سەرکەوتن بەسەر پلیکانە و کارەکانی ڕۆژانەی ماڵەوە دەبێتە هۆی کەمکردنەوەی مەترسی جەڵتەی دڵ و جەڵتەی مێشک.
لە توێژینەوەیەکەدا کە تیمێکی زانکۆی سیدنی لە ئوسترالیا ئەنجامیانداوە، بەدواداچوونیان بۆ زیاتر لە 25 هەزار کەسی پێگەیشتوو کردووە کە بەشدارییان لە هیچ چالاکییەکی وەرزشیدا نەکردووە.
چەند ئامێرێکیان لەسەر مەچەکی بەشداربووەکان دانا بۆ پێوانەکردنی شێوازی چالاکییە جەستەییەکانیان، توێژەران بۆیان دەرکەوتووە کە جوڵەی ئەو بەشداربووانە، کە زیاتر بووە لە 10 خولەک هۆکار بووە بۆ کەمبوونەوەی بەرچاوی جەڵتەی دڵ، جەڵتەی مێشک و مردن.
جوڵەی بەردەوام بۆ ماوەی لانیکەم سێ خولەک سوودی بەرچاوی هەیە بە جۆرێک کە بە ڕێژەی 29٪ مەترسی توشبوون بە جەڵتەی دڵ و مێشک کەمدەکاتەوە، هاوکات مەترسی مردن بە ڕێژەی 44٪ کەمدەکاتەوە بەراورد بە چالاکییە زۆر کورتەکان کە کەمتر لە خولەکێک دەخایەنێت.
توێژینەوەکە دەریخستووە، چالاکی کورتی رۆژانە وەک سڕینەوەی زەوی ماڵەوە، کە وەک بەشێک لە ژیانی ڕۆژانەمان ئەنجامی دەدەین، یارمەتیدەرە بۆ ئەوەی بە تەندروست بمێنینەوە و تەمەنمان درێژ بێت.
